أمثال وحكم جزائرية

أمثال شعبية جزائرية خاصة بالنساء

*أمرا أتعيّيــك وأمرا أتعليـك.

*بهت النساء بهتين من بهتهم جيت هارب
يتحزموا باللّفاع ويتخللّو بالعقارب

*حديث النساء أيونّس ويعلم لفهامة
يديروا شركة من الربح ويحسنولك بلا ما

*لا تغرك شمس الشتا ولا تغرك ضحكة النسا.

*ما في الشتا ريح دافي وما في النسا عهد وافي.

*لا في النسا عهد وافي ولا عقد صافي.

*بالك تنسى وتامن النسا.

*النسا كيدهم ما يتنسى.

*أنتوما النسا هدرتكم ما تنحصى ومرقتكم ما تنحسى.

*أتولّد البغلة وأتقمط الجمل.

*خافت من القمرة وهربت في الظلمة.

*النسا إذا تحزّمت والخيل إذا تلجمت.

*العايبة تحوّس البلدان والعورة أتخيّط الكتان والطرشة أتجيب لخبر منين كان.

*ما ندّيك ياخيري ما نخلّيك لغيري.

*ألي يحب الهراج يكثر النسا والدجاج.

*كل بليــّة سبابها أولّيـــّة.

*إذا حلفوا فيك الرجال بات راقد وإذا حلفوا فيك النسا بات قاعد

*ما يغلب الرجال الفحولة غير النسا أقللات الأصل، وما يغلب قللات الأصل غير صفاح القبور.

*إذا حبوك النسا بات أعلى الكسا وإذا كرهوك النسا بات أعلى العصا.

*الرجال تهد الجبال والنسا تهد الرجال.

*ألمرا تغلبها المرا والراجل تغلبه المرا

*أتلاقو عليا ثلاثة ما فيهم أحنانة، الفقر والدهر والمرا النقراشة.

*كان سبع كي أزوج أرجع ضبع.

*أضرب النسا بالنسا ماشي بالعصا.

*اضرب لمرا بالمرا يا ولد لمرا.

*أضرب ألغنم بالعصا وأضرب الرجالة بالنسا.

*ما يخسّر بين الرجال غير النسا والدراهم.

*الدّار والمرا ما فيهم شركة.

*اللّي يغلبوه الديوكة يرجع على ملوكة.

*مزين النساء بضحكات لو كان فيها يدوموا
الحوت يعوم بالماء وهوما بلا ماء يعوموا

*سوق النساء سوق مطيار يا داخلو رد بالك
أيوريولك من الربح قنطار ويديولك راس مالك

هــذي خاصة بالرجال:

*اللي ياكل لقمتي يلزم يسمع كلمتي.

*لمرا ما تدّي لا خوها ولا بوها تدّي غير عدوها.

*اللّي تعمل الرّاجل صديق والعولة دقيق تعيا وتحكم الطريق.

*اللّي تامن الرجال تكوي أسدرها بالغربال.

*الرجال والزمان ما فيهم آمان

مشكورة صلوحة ولكن مني هذه الاضافة ===============اياك من الفايحة اذا رقمت واياك من المتروكة اذا حكمت==================== كحل الراس اكويه لا داويه ====================علت الفولة من حنبها وعلة المرا فمها===========المرا اذا ابتسمتلك اعرف بالي راهي بغات منك حاجة .===============اعجبتنيالغايبة والعورة والطرشة =استراحة شيقة شكرا لك ثانية.

و علاش يا صلوحة حنونة احنا زعمة هكذا؟؟؟ هههههههههههههه ربي يفرحك مشكورة حنونة

ههههههههههههههههههههههههههه منيش انا اللي قلت يازهرة

النساء فيهم وعليهم ساعات تلقاي كما هاذو , اما الرجال انتوما اللي جربتوهوم خير مني ههههههههههههههههه
راهي زبيدة تقول كحل الراس اكوييييييييييييييييييييييييييه لا داويه

ربي يسعدك برجل خلوق حنون كحل الراس اسود العينين و تجربي و ان جئت للواقع يا صليحة هذه هي الحياة و الله سبحانه خلقنا من تراب الارض و التربة مختلفة توجد اللينة و توجد المستعصية و توجد عوان بين ذلك و سبحان الله