يقول الشيخ رحمه الله :
الشواف يشوف من قاع القصعة *****والغربال تشوف منه قاع الناس
الكيّس يعفس على رأس اللفعة ***** و العوّام يعوم بحر لايقاس
.
سوق النسا سوق مطيار*****وياداخلو رد بالك
يوروك من الربح قنطار*****ويضيعوك في راس مالك
.
لا في الجبل واد معلوم ***** و لا في الشتاء ريح دافي
لا في العدو قلب مرحوم ***** و لا في النساء عهد وافي
.
يا صَاحب كُن صَبّار ***** اُصبر على ما جرَى لَك
اُرقد علَى الشُوك عريان ***** حَتّى يَطلع نهَارك
.
لا تْخَمّمْ لا تْدَبَّر ***** لا تَرْفَدْ الهَمْ دِيمَة
الفَلك ما هُو مْسَمّر ***** و الدُّنْيَا ما هي مْقِيمَة
.
يَازَارَعْ الخيْر حبّة ***** يَازَارَعْ الشَّرّْ يَاسَرْ
مولى الخير ينبا ***** و مولى الشر خاسر
.
لا تخمم في ضيق الحال ***** و شوف عند الله ماوسعها
الشدة تهزم الأرذال ***** أما الرجال لا تقطعها
.
من يامنك يا كحل الراس **** ماشينك بطبيعة
السن تضحك للسن ***** و القلب فيه الخديعة
.
سافر تعرف الناس ***** و كبير القوم طيعه
كبير الكرش و الراس ***** بنص فلس بيعه
.
طاقوا على الدين تركوه ***** و تعاونوا على شرب القهاوي
الثوب من فوق نقوه ***** و الجبح من تحت خاوي
.
ويقول أيضا :
.
لا تسرج حتى تلجم **** و اعقد عقدة صحيحة
لا تتكلم حتى تخمم **** لا تعود لك فضيحة
.
الصمت الذهب المسجر **** و الكلام يفسد المسالة
إذا شفت لا تخبر **** و إذا سالوك قول لا لا
.
نوصيك يا واكل الراس **** في البير ارم عظامه
أضحك و ألعب مع الناس **** و فمك متن له لجامه
.
يا ذا الزمان الغدار **** يا كاسرني من ذراعي
طيحت من كان سلطان **** و ركبت من كان راعي
.
الشاشية تطبع الراس **** و الوجه تضويه الحسانة
المكسي يقعد مع الناس **** و العريان نوضوه من حدانا
.
الشر ما يظلم حد *** غير من جبده لراسه
في الشتاء يقول البرد *** و في الصيف يغلبه نعاسه
.
يا الي تعيط قدام الباب *** عيط و كن فاهم
ما يفسد بين الاحباب *** غير النساء و الدراهم
.
لا يعجبك نوار دفلى *** في الواد داير ظلايل
لا يعجبك زين طفلة *** حتى تشوف الفعايل
.
حيط الرمل لا تعليه *** يعلى و يرجع لساسه
ولد الناس لا تربيه *** يكبر و يرجع لناسه
.
الخيل هبة من الريح *** و البل هي الشريفة
البغال قرصة من الهند *** و الحمار هو العيفة
.
ألي يركب يركب أشهب *** طرز الذهب في لجامه
ألي بغ يقول كلمة الحق *** يدير هراوة في حزامه
.
أنا الي رقيت في رقوب *** و قعدت مثل الرصاص نذوب
من لا يقرأ للزمان عقوبة *** يجي على راسه مكبوب
.
الدنيا مثلته دلاعة *** تتكركب مع جميع الدلاع
الحاذق يعطي معها ساعة *** و الجايح يغدا معها قاع
.
جحش البغل لا تغنجيه *** و بالزيت تدهن جلوده
الصك و العض فيه *** هذيك عادة جدوده
.
كيد النساء كيدين *** و من كيدهم ياحزوني
راكبة على ظهر السبع *** و تقول الحداء ياكلوني
.
تخلطت و لابغات تصفى *** و لعب خزها فوق ماها
رياس من غير مرتبة *** هوما سباب خلاها
.
من خالط الاجواد جاد بجودهم *** و من خالط الارذال زاد عناه
من جاور برمة انطلى بحمومها *** و من جاور صابون جاب نقاه
.
الكاتبة تنادي و معها الخير *** و لو كان من بعيد تجيها
و الخاطي عليك من ايديك يطير *** رزقك من قبل ما هو فيها
.
ما كان كي الحرث تجارة *** و ما كان كي الأم حبيب
ما كان كي الشر خسارة *** و ما كان كالدين طليب
.
الزيت يخرج من الزيتونة *** يشدها في ضميره خير
.
شافوني اكْحَلْ مْغَلَّفْ *** يَحَّسْبو ما فِيَّ ذْخيرة
وانا كَالكْتابْ المْؤَلَّف *** ْفِيه مْنافَـعْ كْثيـرَة
.
كْسَبتْ فِ الدهرْ مَعْزَة******وَ جَبْت كْلامْ رْباعـي
مَنْ ذا مَن عْطاهْ رَبّـي ******وِ يْقولْ اَعْطاني ذْراعِي
.
و يقول أيضا :
الهَّـمْ يَسْتهَـلْ الغَـمّ ***** ْوَ السُّتْرَة لِيهْ مْليحَـة
رُّد الجَلْدَة عْلى العظم **** تَبرا وَ تْوَلّي صْحيحَة
.
الصَّـمـتْ حَـكـمـة *** و مِنُّه تَتْفَـرّقْ الحْكايَـمْ
لَوْ ما نْطَقْ وَلدْ لِيمامَـة *** ما يْجِيهْ وْلِد الحْنَشْ هايَمْ
.
عَيَّطتْ عَيطَة حْنِينَة *** فِيَّقْتْ مَنْ كانْ نايَـمْ
ناضوا قْلُوب المْحَنَّة *** و رَقدو قْلوب البْهايَمْ
.
ما ازْيَن النْسا بْضَحكاتْ *** لُو كانْ فِيهـا يْدومـو
الحُوت اِيعُومْ فَ المـا *** و هُما بْلا مـا يْعُومـو
.
عطاتها الكف والدف *** ودارتها مثل الرهيفة
تقول دقيقها مسلف *** ولا تسال للمجذوب حسيفة
.
ضْرَبْـت كَفّـي لْكَفّـي *** وُ خَمَّمت فَ الدُّنيا ساعَة
صُبْت قَلَّة الشِّي تْرَشّي *** وَ تْنَوّضْ مْنَ الجْماعَـة
.
كثير الأقدام يتمل *** لو كان يكون وجهه مراية
و قليل الأكتاف ينذل *** لو كان يكون سبع في ثناية
الرئيسية 
الخميس يونيو 04, 2020 3:39 pm من طرف زهرة11
اليومية
