انا اعمل السفنج انتاعي كما يلي: كمية من الفرينة انتاع القاطو ملعقة و نصف انتاع خميرة انتاع العجين ملح و ماء تدلكي مليح العجينة و تتركيها ترتاح ما تكونش جارية بل لينة فقط تحليها بالحلال بسمك1سم ثم تاخذى مول دائري صغير او كاس انتاع قازوزو تعملي دوائر و تتركيها تطلع كل ما تطلع شوي تهبطيها بيديك لاكثر من ثلاث مرات و تحطي مقلاة بها زيت و عندما يسخن مليح ابداي تحطي الدوائر انتاعك اللي تكون طلعت و اثناء الطهي تلاحظي انها تتنفخ تلقائيااقلبيها كي تطيب حطيها في كسكاس باش يقطر منها الزيت عندما تحبي تقدميها لك الخيلر اما تذري عليها السكر الرطب اي الناعم او تفتحيها و تحطي بالداخل معجون المشمش اما السفنج اللي طلباتو سميرة اعتقد انه سفنج على السريع يديرو فيهفرخ و هو الدقيق الناعم انتاع الخبيز و يديرو شوي سكر و بيض و حليب و لا فاني و خميرة انتعا القاطو و يخلطو الكل بالباتور ثم يحطو الزيت يسخن مليح وهنا تكون العجينة جارية شوي و يرفدو بالملعقة انتاع الاكل و يحطو في الزيت لكن يجب المراقبة لعملية القلي و يستحسن تكون النار متوسطة لانه يحترق بسهولة كي يطيب تعسليه اذا كنت ممن يحبون الحلاوة و الا يترك بدون عسل لانك وضعت فيه كمية مسبقا هذا يا سميرة ما اعرف عن السفنج ربي يوفقكم