الطبخ الجيجلي

السلام عليكم ورحمة الله وبركاته
نقدم لكم الشخشوخة او المفرمسة او الفطير كما يسميه البعض :
نحتاج سميد ناعم يعني مغربل حطي الكمية اللي تحبي + ملح + قطرات خل باه يخليها متماسكة وما تتقطع
نبلل كل شيء بالماء الدافء ثم نعجنها بالبترا او اليدين .
نكورها قد حبات المندرين ونغطيهم بكيس ونخليهم يرتاحوا نص ساعة ثم ندهن الصينية بالزيت ونقرصها متوسطة ثم ثم نبدا نكسل فيها من الوسط الى جميع الاتجاهات حتى تصبح شفافة
نحملها برفق ثم ونطهيها فوق طاجين الحديد على نار ضعيفة جدااا
نقلبها بحيث تكون الحواشي في الوسط باه ينشفو وهكذا نكمل حتى ننهي جميع الكريات نحطهم فوق بعض ونغطيهم بمنديل .
لاحظوا كانها اوراق ديول كلها بيضاء وشفافة ،نلفها على بعضها ونقصها بالمقص شرائط
عند التقديم ما تفوروهاش لانها شفافة ورقيقة تمتص البخار وتزيد تسقوها تتعجن
حطوا الكمية المراد تقديمها في صيبنية وسخنوها في الفرن
بالنسبة للمرق عادي نحتاج حبة بصل كبيرة فلفل حار حسب الرغبة +قطع دجاج +كمشة حمص + ثوم وشحم مداوي +طماطم مصبرة وهريسة
واكيد زيت ملح وتوابل
نقلي البصل والثوم والدجاج والملح والزيت والتوابل مليح ثم نضيف الطماطم والهريسة والحمص ونمرق ونغلق الكوكوت ولازم المرق يكون خاثر
بالنسبة للفلفل نفوروه وبعد ما تكون طابت المرقة نضيف الفلفل
عند التقديم نحط الشخشوخة ونضع فوقها قطع الدهان ثم الدجاج والحمص والمرق وتقدم
وشهية طيبة











شهية طيبة

والله يا سبيتة شهتينا بشخشوخة الجيجليين حنا ثاني انديروها بنفس الطريقه وأنزيدوا معاها الخضرة في بعض الاحيان مثل القرع يعني تقريبا عاداتنا متقارابة وقلوبنا ثاني والحمد لله متقاربة